WATI WAWANA HERE  RUZIVO RUNOSHAMISA RWOHUPENYU HWAKAZADZWA NOMWEYA MUTSVENE?

Unogona kuva mukundi zuva rimwe nerimwe kuburikidza nesimba raMweya Mutsvene.

Usati wagamuchira Jesu Kristu saMuponisi wako, waitonga hupenyu hwako pachako.

Zva wakagamuchira Jesu Kristu, Mweya Mutsvene akauya kuzogara mauri (mukati mako) 

Mweya Mutsvene anoita kuti muKristu mumwe nemumwe agone kuva nehupenyu hwakazara nemufaro.

Bhaibheri rinotiudza nezva Mweya Mutsvene. 

Bhaibheri rinoti: 

1. Mweya Mutsvene ndiMwari (Mabasa 5:3-5) 

2. Mweya Mutsvene anogara mumunhu wese anenge agamuchira Jesu 
    Kristu  saMuponisi wake (1 VaKorinte 3:16) 

3. Mweya Mutsvene ndiye mudzidzisi wedu. (Johane 14:26) 

4. Mweya Mutsvene anotibatsira pahutera (Kusasimba) kwedu (Varoma 8:26) 

5. Mweya Mutsvene anesimba kukunda mimwe mweya yese. (1 Johane 4:1-4) 

Bhaibheri rinotiudza pamsoro pemhando nhatu dzevanhu .....

Munhu ASIRI MUKRISTU:

Munhu asiri muKristu munhu anenge asati agamuchira Jesu Kristu saMuponisi wake.

Mweya Mutsvene haagari mumunhu anenge asiri muKristu.

Bhaibheri rinoti: 

"Zvino munhu sezvaakaberek wa haagamuchiri zvinhu zvoMweya waMwari; nokuti hupenzi kwaari; haazvinzwisisi nokuti zvinonzwisiswa noMweya." 
I VaKorinte 2:14.

Mufananidzo uyu unoratidza zvakaita munhu asiri muKristu

	MUNHU ASIRI MUKRISTU
		= chigaro chokutonga     muhupenyu hwemunhu
	"ini"	Ini (chindini)
		= Jesu Kristu

1. Jesu ari kunze kwohupenyu hwomunhu uyu. 
2. Munhu asiri muKristu ari pachigaro chokutonga chehupenyu hwake. 
3. Munhu uyu anofanira kugamuchira Jesu Kristu saMuponisi wake.

MUKRISTU AZERE NAMWEYA MUTSVENE

Mweya Mutsvene Anouya kuzogara mukati medu panguva yatinogamuchira Jesu Kristu saMuponisi wedu (Varoma 8:9). Kuzadzwa neMweya Mutsvene zvinoreva kubvumira Jesu Kristu kuti atonge hupenyu hwedu nekutitungamirira.

Bhaibheri rinotsanangura hupenyu hwakazadzwa noMweya Mutsvene nenzira iyi:

"Zvino chibereko cheMweya ndirwo rudo, norufaro, norugare nomwoyo murefu, nornwoyo munyoro, nokunaka, nokutendeka, nounyoro, nokuzvidzora; hakuna murairo unodzivisa zvinhu zvakadai. " VaGaratia 5:22,23.

Kana tabvumira Jesu Kristu kuti atonge hupenyu hwedu, tinova nechido chekufadza Mwari. Tinova nechido chekuverenga Bhaibheri nekunamata. Tinova nechido chekuudza vamwe nezva Kristu uye tinova nechido chekusangana nevamwe vaKristu (kuungana)

Mufananidzo uyu unoratidza zvakaita muKristu akazadzwa naMweya Mutsvene

MUKRISTU AZERE NAMWEYA MUTSVENE
MuKristu uyu....  -- abvumira Kristu kuti    ave pachigaro         chohupenyu hwake      --ava nesimba rinobva     kunaMweya Mutsvene  --ave kuunza vamwe     vanhu kuna Kristu   --ava kunzwisisa shoko     raMwari   --ava kuvimba naMwari  --ava kuterera Mwari		Upenyu hwake hucharatidze....  -- rudo  -- mufaro  -- rugare  -- mwoyo murefu -- mwoyo munyoro -- kunaka -- kutendeka  -- kuzvidzora  -- hunyoro

1 . Jesu Kristu ari muhupenyu hwemunhu uyu saMuponisi. 
2. Jesu Kristu ari pachigaro chekutonga, ari kutonga hupenyu hwake. 
3. "Ini" ave muranda anoterera Jesu Kristu. 
4. Hupenyu hwemuKristu uyu hunotanga kuratidza chibereko cheMweya zvakanyana apo anodzidza   
    kubvumira Mweya Mutsvene kuti amutungamirire. 
Kana MuKristu asina kuzadzwa neMweya M'tsvene anonzi...

MUKRISTU ANOZVITONGA PACHAKE

MuKristu anozvitonga pachake (anoda nyika) anehanya nekuzvifadza iye pachake kupfuura kufadza Mwari. MuKristu anozvitonga pachake akafanana nemwana anongoda kuita zvaanoda iye - sezvinongoita munhu wenyika (munhu asiri muKristu).

Maererano neMuKristu anozvitonga pachake Bhaibheri rinoti;

"Ini hama dzangu ndakange ndisingagone kutaura nemi sokutaura kwandinoita nevanhu veMweya kwete, asi sokutaura kwandinoita nevanhu venyama, vachiri vacheche muna Kristu. Ndakakupai mukaka kuti munwe venyama, nokuti zvapachine godo pakati penyu negakava kohamuzi venyama muchifamba nenzira yevanhu here?" I Vakorinte 3:1-3

Mufananidzo uyu unoratidza zvakaita muKristu anozvitonga pachake

MUKRISTU ANOZVITONGA PACHAKE

MuKristu uyu …   --Haavimbi naMwari zvizere   --nguva nenguva haatereri   --haaunze vamwe kunaKristu   --hupenyu hwake hwekunamata     haunasimba   --haanzwe nzara huru yokuverenga shoko     raMwari (Bhaibheri)   --nguva nenguva ane mifungo inetsvina     (zvivi)

Anoita zvimwe zveizvi…   --Kuva negodo   --Kunzwa mhosya  --Kusatenda   --Kufunganya   --Kutonga vamwe  --Kushatirwa

1. Jesu Kristu achirimo muhupenyu hwake saMuponisi. 
2. "Ini" ava pachigaro chekutonga, ari Kutonga hupenyu hwake. 
3. Jesu Kristu haazi kutonga hupenyu hwemunhu uyu hwese. 
MuKristu anozvitonga pachake dzimwe nguva anoda kufadza Mwari asi ...

Nguva nenguva anoda kuita zvakanaka asi anokundikana...

"Nokud zvandinoita handizvizivi; nokuti zvandinoita hazvizi zvandinoda, asi zvandinovenga ndlzvo zvandinolta. Nokuti ndinoziva kuti mukati mangu, imo munyama yangu, hamugari chinhu chakanaka; nokuti kuda kuripo kwandiri, asi kuita zvakanaka; hakupo. Ndiri munhu ari pakutam udzika. Ndianiko uchandisunungura pamuviri worufu urwu?" VaRoma 7:15,18,24.

Nskudaro... 

MuKristu anozvitonga pachake haararame hupenyu huzere nemufaro. Nguva nenguva anorarama hupenyu hwekukundikana. Pane dzimwe nguva haatomboita semuKristu.

Munhu asiri muKristu	MuKristu akazadzwa neMweya Mutsvene	MuKristu anozvi- tonga pachake.

Ungade kuva munhu upi? 

MUKRISTU ANOZVITONGA PACHAKE ANGAZADZWE NAMWEYA 
MUTSVENE SEIKO?

TINOZADZWA NAMWEYA MUTSVENE NEKUTENDA

Tinova vaKristu nekutenda kuna Jesu Kristu saMuponisi. Saizvozvo tinozadzwa neMweya Mutsvene nekutenda. Zvingaitike iye zvino uno kuti ubvumire Mweya Mutsvene kuti akuzadze (akutonge)

Parie zvinhu zvitatu zvaungaite:

1. REURURA ZVIVI ZVAKO. 
"Kana tichizvireurura zvizi zvedu, iye wakatendeka, wakarurama nokudaro kuti unotikanganwira zvivi zvedu nekutinatsa pakusarurama kwose." I Johane l:9 

Kureurura zvinoreva kuti. . . 
a. Unobvumirana naMwari kuti watadza. 
b. Unotenda Mwari nekuti akukanganwira akakuchenesa kuburi kidza nemuna Jesu Kristu. 
c. Unobva pazvivi zvako wova munhu anoterera Mwari (kutendeuka)

2. ZVIPIRE KUNA MWARI. 

"Uye musapa zvivi mitezo yenyu, kuti dzive nhumbi dzokuita zvisakarurama; asi muzvipei imi kunaMwari savanhu vakararama kuvakafa, nemitezo yenyu kuti dzive nhumbi dzokurarama kunaMwari, " VaRoma 6:13 

Kuti tigare hupenyu hwekuzadzwa neMweya Mutsvene tinofanira kubvumira Jesu Kristu kuti atonge zvose zvatinoita. 

Anofanira kutonga mari yedu, nguva yatinenge tisina basa rekuita, basa redu, pamwechete nehukama hwedu nehama, neshamwari.

3. TENDA (BVUMA) KUTI MWARI ANOKUZADZA NEMWEYA WAKE MUTSVENE. 

Mwari anokuzadza neMweya Wake Mutsvene kana wavimba naye kuti azviite. 

Pane mazwi maviri anokosha kurangarira: 

KURAIRA KWAMWARI: 

"Uye regai kudhakwa nedoro, nokuti ndipo pane kusazvidzora, asi muzadzwe neMweya."  VaEfeso 5:18 

CHIVIMBISO CHAMWARI: 

"Kutsunga kwatinako paari ndokuku, kwokuti kana tichikumbira chinhu sezvaanoda lye, anonzwa zvatinoreva. Zvino kana tichiziva kuti anonzwa zvatinoreva pane zvatinenge takumbira, tinozivawo kuti tatowana izvozvo zvatakumbira" I Johane 5:14,15.