Lauma Helaga Ese Oiemu Mauri Ia Hahonua Vadaeni?

[Read "The Wonderful  Discovery" in Your Language ]

[Read the Four Spiritual Laws in Your Language ]

DINA IBOUNAI ITA MOALE DIBA BEMA LAUMA HELAGA ESE ITA IA HAKAUA

Buka Helaga ia gwau taunimanima be orea toi, orea be inai:-

OREA 1 – Karadika Tauna – Tau ta, Keriso do ia abia dae lasi tauna.

Buka Helaga ia gwau, “Keristen (Ekalesia) tauna lasi be Dirava ena laloa gaudia ia abia dae diba lasi. Lauma Helaga ese inai gaudia ia hadibaia noho. To ia abia dae lasi badina be ia dekenai inae laloa be kavakava bamona. Badina be Lauma Helaga idia abia taudia sibona be Lauma Helaga ena laloa do idia diba. Idau taudia be hegeregere lasi.” (1 Korinto Karoa 2 Siri 14).

LAU SIBONA LAUEGU MAURI LAU BIAGUA
Lau sibona egu mauri lau naria. Lau be egu ura karadia sibona do lau karaia. Keriso be lau atoa siri murimurinai.


OREA 2 – Mai Ena Lauma Tauna – Tau ta Lauma Helaga ese ia hakaua noho.

“Lauma ia laloa tauna be gau ibounai edia anina ia diba. To tanobada ia laloa tauna be inai bamona lasi. Ia be ia daradara bona laloa hekwarahi unai Lauma ia laloa bona tauna dekenai, bona ena hereva anina ia diba lasi momokani.” (1 Korinto 2:15).

KERISO IA BIAGUA LAU.
Keriso be Lohiabada. Lau be ena ura kara lau karaia. Egu mauri be namo. Dirava dekenai turana lau karaia.


OREA 3 – Sibona Mo Ia Laloa Tauna – Tau ta, Keriso ia abia dae vadaeni, to ia be Dirava ia abidadama henia lasi, badina ia ura lasi Dirava ese ena mauri do ia naria.

Egu varavara taudia e, lau be lau hereva lasi umui dekenai Lauma idia abia taudia bamona. To inai tanobada ena kara umui karaia taudea bamona lau hereva umai dekenai. Badina timui be beibi matamata bamona Keristen (Ekalesia) ena mauri la lonai. Rata lau ubua umui dekenai, aniani aukadia lasi, badina be do umui goada lasi. Harihari danu umui goada lasi badina be tanobada ena kara umui karaia noho. Bada bona heai umui dekenai do idia noho. Unai dainai, umai be inai tanobada ena kara bona ura umai karaia noho ani? Umui be tanobada taunimanima bamona amui mauri noho, ani?

LAU SIBONA LAUEGU MAURI LAU BIAGUA
Lau sibona egu mauri lau naria. Keriso be egu mauri lalonai, to ia ese egu mauri ia biagua lasi. Dirava ia ura egu mauri do ia biagua lasi. Dirava ia ura egu mauri do ia hagoadaia, to lau ura lasi lau abidadama henia.

1. DIRAVA ESE MAURI NAMONA BONA MAURI MAI ANINA ITA IA HENIA VADAENI

Iesu ia gwau, “Lau mai badina be, mauri do idia abia totona, mauri mai anina momokani”. (Ioane 10:10.)

“Vain be lau, ena rigi be umui. Lau dekenai ia badinaia bona ia dekenai lau badinaia tauna be ena huahua momo do ia atoa. Badina be lau dekenai bema umui badinaia lasi be gau ta umui karaia diba lasi”. (Ioane 15:5.)

“To Lauma ena huahua be inai:- lalokau, moale, maino, haheauka, hebogahisi, kara namo, abidadama, hekokoroku lasi, tau anina ena ura dikadia keraia lasi. Inai gaudia be taravatu lasi.”

To umui be dohore siahu umui abia, Lauma Helaga umui dekenai ia diho neganai, bona lauegu ladana do umui gwauraia hedinarai Ierusalema dekenia, Iudea ibounai, Samaria ena kahana ibounai, do ia lao bona tanobada ena kahana ibounai.”
(Aposetolo edia Kara 1:8.)

LAUMA ESE IA HAHONUA TAUNA Inai bamona tauna ena mauri be Lauma Helaga ese ia gunalaia.

Lauma Helaga ese inai siahu ia henia:

* Keriso ena sivarai be taunimanima
haida do ia hadibaia.

* Guriguri.

* Dirava ena Hereva anina do ia diba.

* Dirava do ia abidadama henia.

* Dirava do ia kamonai henia.

Lauma Helaga ese ia gaudia ia henia:

* Lalokau

* Moale

* Maino

* Haheauka

* Hebogahisi

* Abidadama

* Kara namodia

Bema Dirava dekenai oiemu abidadama oi habadaia, inai gau namodia danu do idia habadaia emu mauri lalonai. Bema oi be hari sibona inai Lauma Helaga ena dala oi davaria, inai gau namodia sedira do oi abia haraga lasi. To oi hesiku lasi. Bema oi abidadama henia noho neganai inai gau namodia do oi davaria, Ekalesia gunadia idia davaria bamona.

Badina dahaka Keristen (Ekalesia) taudia momo be inai mauri namona idia diba lasi?

2. SIBONA IDIA LALOA EKALESIA TAUDIA BE MAURI NAMONA MOMOKANI IDIA ABIA DIBA LASI.

Sibona ia laloa tauna be ia laloa sibona ena goada dekenai Keristen o Ekalesia dalana do ia raka:-

A. Inai bamona tauna be sedira Dirava ena lalokau bona siahu ia diba lasi. O sedira nega ta ia kamonai, to ia laloaboio vadaeni. (Roma 5: 8-10, Heberu 10: 1-25, 1 Ioane 1: 1-10, 1 Ioane 2: 1-2, 2 Petero 1: 9, Aposetolo edia Kara 1:8.)

B. Ena mauri be mai moale momokani lasi.

C. Ia ura kara namodia karaia, to ia hegeregere lasi.

D. Lauma Helaga ese ia ura unai tau ia hasiahua gwauraia, vadaeni mauri namona do ia abia. To unai tau ena abidadama ia henia lasi dainai, Lauma Helaga ese siahu ia henia lasi. (1 Korinto 3: 1-3, Roma 7: 15-24, Roma 8:7, Galatia 5: 16-18.)


SIBONA IA LALOA TAUNA Inai bamona kara idia vara Dirava idia abidadama henia lasi tandia edia mauri lalonai:

Lauma Helaga ia karaia gaudia be momo, to unai tau ia diba lasi inai gaudia. Ia be Dirava ia kamonai henia lasi. Ia be Dirava ia lalokau henia lasi, idau taudia danu ia lalokau henia lasi. Buka Helaga ia ura lasi duahia. Taravata dekenai ia laloa momo, to abidadama be lasi. Ia gari momo, badina be ena lalokau be maragi herea. Iena laloa be miro. Ia mama henia. Iena kerere dainai ia hemarai. Ia wari momo bona lalona ia hisihisi. Taunimanima ia gwau henidia momo. Iena laloa be rua dainai, ena kara be mai?anina lasi, ia gaukara kava bamona.

Tau ta, bema ia kara dika noho nega ib?unai, sedira unai tauna ena Ekalesia be anina lasi, ia be Keristen momokani lasi.
(1 Ioane 2: 3-5, 1 Ioane 3: 6-9, Efeso 5:5.)

(Namba 3. ese inai laloa metau gaudia do ia haere henia).

3.  IESU IA GWAUHAMATA HENIA, IA GWAU, LAUMA HELAGA IDIA ABIA DAE TAUDIA ESE MAURI NAMONA MOMOKANI DO IDIA ABIA

Lauma Helaga ese oiemu mauri ia gunalaia, bema Keriso be oiemu mauri lalonai ia noho. (Ioane 15.)

A. Oi be Keristen o Ekalesia mauri oi abia neganai, Lauma Helaga be oiemu mauri lalonai idia vareai mai, bona ia noho hanaihanai.
(Ioane 1: 12, Kolose 2: 9, 10, Ioane 14: 16, 17.) Lauma Helaga be Keristen taudia ibounai edia mauri lalonai ia noho, to Keristen
haida be Lauma Helaga ena dala idia koua, idia ura lasi ia gunalaia idia.

B. Lauma Helaga ese mauri namona mai anina ia henia. (Ioane 7: 37-39).

C. Lauma Helaga ia mai be Keriso do ia habadaia momokani, do ia Lohiabada totona. (Ioane 16: 1-15).
Bema tau ta be Lauma Helaga ese ia gunalaia, unai tau be Keriso do ia habadaiaena Lohiabada do ia halaoa.

D. Keriso be kahira-kahira ia daekau guba neganai, ia gwauhamata henia, Lauma
 Helaga ena siahu do ia henia, vadaeni inai siahu dekenai iena witinesi taudia do ita lao. Iena ladana do ita gwauraia
hedinarai. (Aposetolo edia Kara 1: 1-9).

Lauma Helaga ese edana bamona tau ta do ia gunalaia bona hahonua?

4. ISEDA ABIDADAMA DAINAI LAUMA HELAGA ESE ITA IA HAHONUA BONA GUNALAIA, VADAENI ITA MAURI NAMONA ABIA. INAI MAURI BE IESU IA HENIA KERISTEN TAUDIA IBOUNAI DEKENAI, ENA GWAUHAMATA HEGEREGERE.

Lauma Helaga ese oi ia gunalaia diba harihari:
A. Bema oi ura neganai (Mataio 5:6, Ioane 7: 37-39.)

B. Bema oiemu karadika Dirava oi hadibaia.

Dirava oi abidadama henia ia ese oiemu karadika ia gwauatao vadaeni. Emu karadika, guna oi karaia gaudia, hari oi karaia noho gaudia, bona dohore oi karaia gaudia – ibounai ia gwauatao, badina be Keriso oi dainai ia mase.
(Kolose 2: 13-16, Ioane 1: 1-10, 1 Ioane 2: 1-3, Heberu 10: 1-7.)

C. Abidadama amo do oi diba Lauma Helaga ese oi ia hahonua. Ia be oiemu gunalaia tauna do ia lao, badina be:-

1. IENA HEREVA, IA GWAU –
Lauma Helaga be iseda gunalaia tauna ia lao dala tamona amo, abidadama dekenai sibona. Guriguri dekenai oiemu abidadama oi hedinarai diba. Namona be inai guriguri oi gwauraia:-

2. IENA GWAUHAMATA –
Ia be nega ibounai do ia kamonai, bema iena ura hegeregere ita guriguri neganai.
“Ita be Dirava ena vairanai ita gari lasi, ita diba momokani ia be do ia kamonai, bema iseda noinoi gaudia be iena ura hegeregere. Ita noia negadia ibounai be ia kamonai henia. Ita diba inai be momokani dainai, ita diba danu, iseda noinoi gaudia be ia ese ita ia henia.” (1 Ioane 5: 14,15).

Oiemu abidadama oi hedinaraia diba emu guriguri dekenai ……..

BEMA OI BE DO OI GURIGURI MAI ABIDADAMA DANU DIRAVA ESE LAUMA HELAGA DEKENAI OI DO IA HENIA, VADAENI DO IA GUNALAIA OI

Lauma Helaga be iseda gunalaia tauna ia lao dala tamona amo, abidadama dekenai sibona. Guriguri dekenai oiemu abidadama oi hedinarai diba. Namona be inai guriguri oi gwauraia:-

“Egu tamana e, mani emu kara oi durua lau. Lauegu mauri be lau ese lau biagua vadaeni, unai dainai lau be kerere oi vairanai. Lau tanikiu henia oi, badina be Keriso lau dekenai ia mase satauro dekenai, bona unai dainai egu kara dika oi gwauatao vadaeni. Hari lau noinoi Keriso ese egu mauri do ia biagua lou. Emu Lauma Helaga dekenai oi hahonua lau, oiemu Herava ia gwauraia bamona. Lau diba oiemu gwauhamata be momokani, unai dainai lau tanikiu henia Iesu Keriso, oiema Natuna ena ladana dekenai”.

Oi ura Leuma Helaga ese oiemu mauri ia gunalaia? Namona be harihari inai guriguri oi gwauraia, bona Dirava oi abidadama henia.

EDENA BAMONA OI DIBA LAUMA HELAGA ESE IA BIAGUA OI?

Dirava oi noia vadaeni, Lauma Helaga dekenai oi do ia hahonua? Oi diba momokani Lauma Helaga ese oi ia gunalaia noho harihari? Daika ia gwau inai be momokani? Dirava Sibona ia hamomokania ena Hereva lalonai. (Heberu 11: 6, Roma 14: 22,23.)

Gau badana be inai – Dirava ena Hereva mo do ita abidama henia, iseda laloa o iseda hemami do ita abidadama henia lasi.

Iseda hemami idia senisi momo nega ibounai. Nega haida ita laloa gau ibounai be maoro, to kerere ia vara. Unai dainai ita daradara hamatamaia. To Keristen (Ekalesia) tauna be abidadama dekenai ia mauri noho, Dirava ena gwauhamata ia abidadama henia, badina inai gwauhamata idia senisi lasi, lasi momokani. (Ioane 14: 21).


Inai taraketa bona tareila ese iseda hemani bona laloa ita abidadama henia lasi dalana idia hedinaraia. Taraketa be Dirava ena gwauhamata o ena Hereva bamona. Tareila be taraketa dekenai ia dioinia. Inai be iseda abidadama Dirava bona ena Hereva dekenai bamona. Tareila ese ia huaia kohu be iseda hamami o iseda laloa. Unai kohu be gau ta ia karaia diba lasi, durua ta ia henia diba lasi. Taraketa be sibona ia haheaua diba, to tareila ese taraketa ia veria diba lasi. Unai dainai Dirava ena gwauhamata ita abidadama henia be namo. Namona be nega ibounai Dirava dekenai ita dioinia abidadama amo. Dirava ena gwauhamata sibona ita abidadama henia, bona iseda hamami ita abidadama henia lasi. Iseda hemami o iseda laloa be ita abidadama henia. lasi.

EDENA BAMONA LAUMA HELAGA LALONAI DO ITA NOHO?

Inai mauri namona, Lauma Helaga ese ia hahonua maurina be edana bamona ita abia? Abidadama Dirava dekenai bona ena gwauhamata dekenai, inai dala sibona dekenai inai mauri namona do oi abia. Oi abidadama henia noho lalonai inai bamona gau namodia do idia vara:

A. Oiemu mauri ese Lauma ena huahua do ia hedinarai (Galatia 5: 22,23), bona emu mauri be do ia namo ia
lao,bona Keriso bamona do ia lao. (Roma 12:2, 2 Korinto 3:18.)

B. Oiemu guriguri bona oiemu Buka Helaga duahia negadia be do mai mamina guna bamona lasi.

C. Iena siahu do oi abia witnesi totona. (Aposetolo edia Kara 1:8.)

D. Oi be do oi hegaegae tanobada ena dika do oi tuari henia. (1 Ioane 2: 15-17.), bona tau anina ena ura dikadia danu do oi tuari henia (Galatia 5: 16,17) bona Satani danu do oi tuari henia (1 Petero 5: 7-9, Efeso 6: 10-13).

E. Oi be siahu do oi davaria, kara kerere dekenai do oi gwau, “Lasi”. (1 Korinto 10:13, Filipo 4: 13, Efeso 1: 19-23, Efeso 6: 10, Timoteo 1: 7, Roma 6: 1-16.)

LAUMA HELAGA ENA GAUKARA BE HAHODI ENA GAUKARA BAMONA

Abidadama amo oi be Dirava ena lalokau bona ena hebogahisi oi abia diba nega ibounai. Karadika danu Dirava ese do ia awauatao abidadama dainai. Dirava danu oi raka hebou bona ena gaukara oi karaia. Bema oi diba emu mauri lalonai kara ta be Dirava ia moalelaia lasi, karaharaga oi hamaorolaia. Vadaeni maoromaoro oi tanikiu henia diba, badina be Dirava ese emu kara dika ia gwauatao, Keriso ia masse satauro-ai dainai. Dirava ena lalokau bona karadika ena gwauatao oi abia emu abidadama dainai. Dina ibounai inai bamona oi mauri noho. To bema sibona emu mauri oi gunalaia lou, inai be kara dika Lauma Helaga ena hahodi dalana ita karaia be namo.

LAUMA HELAGA ENA HAHODI DALANA BE INAI BAMONA:-

Miro gaudia ita hahodi lasi. Goeva gaudia ita hahodi vareai. Inai dala amo goada oi abia, bona Dirava ena lalokau bona karadika ena gwauatao oi abia nega ibounai.

1. HAHODI LASI – Dirava dekenai oiemu karadika oi hadibaia – hunia lasi. Bona Dirava oi tanikiu henia badina emu karadika ia gwauatao vadaeni. (1 Ioane 1:9, Heberu 10: 1-25). Iseda karadika ita hedinaraia Dirava vairanai morinai, be iseda laloa bona iseda kara be do matamata bona do ita noho namonamo.

2. HAHODI VAREAI – Keriso ese emu mauri do ia gunalaia Lauma Helaga ena siahu amo. Abidadama amo do oi diba momokani Lauma Helaga ese ia gunalaia oi. Inai be Dirava ena oda o hereva badana ta. (Efeso 5: 18), bona ena gwauhamata danu. (Ioane 5: 14,15).

Bema oi ese inai buka oi abiadae bona laloa hereva namodia, mani oi ese tauna ta dekenai duahia.

Bema oi ura davaria hereva haida danu revareva siaia:

L.I.F.E.
The United Church,
P.O. Box 3401,
PORT MORESBY, P.N.G.

CAMPUS CRUSADE FOR CHRIST,
A.C.P.O. Box 51,
Quezon City D-505,
Republic of the Philippines.

ADDITIONAL ASSISTANCE

Whether you've prayed to be Filled with the Holy Spirit or still have some questions, please click here and tell us about it. We would love to hear from you and help you grow in your faith!

 

© 1995-2001 Campus Crusade for Christ International
Questions and Comments are always welcome!
http://www.jesuswho.org/spirit/motu/default.htm
webmaster@jesuswho.org last updated: 18-08-2006