LUZINGU NA NGE ME FULUKAKA TI MPEVE SANTU?

NA NGOLO YA MPEVE SANTU MUKLISTO LENDA NUNGA KONSO KILUMBU NA LUZINGU NA YANDI

Na ntangu nge, yambaka Yesu Klisto, Mpeve Santu kwisaka kuzinga ne ntima na nge. Mpeve ya Nzambi ke pesa nzila na konso Muklisto na kuvanda ti luzingu ya (mbote) mpe ya kiese.

Na yina kutadila Mpeve Santu, Bible ke tubila beto nde:

1. Mpeve Santu keta Nzambi (Bisalu 5:3-5).
2. Mpeve Santu ke vandaka na ntima ya konso muntu yina me yarnbaka Yesu Klisto bonso Ngulusi
    (1 Korinte 3:16; Rome 8:9).
3. Mpeve Santu ke pesa beto ngolo ya kuzinga luzingu ya Muklisto (Galatia 5:22,23; Roma 8).
4. Mpeve Santu ke pesa beto ngolo ya kuvanda batemwe ya Klisto (Bisalu 1:8).
5. Mpeve Santu ke ngolo kuluta bampeve yankaka (1 Jean 4:1-4).

Bible ke songa beto mpila tatu ya bantu:

(1) MUNTU YINA KE NDIMAKA KLISTO VE
Mpeve Santu ke zingaka ve na ntima ya muntu yina me yamba ntete ve Klisto bonso Ngulusi (Efeze 1:13).

Bible ke tuba: “Muntu yina ke na Mpeve ya Nzambi ve, yandi landa baka ya membu yina ke katukaka na Mpeve yina. Yandi ke bakisaka mambu yina ve sambu yandi ke yindulaka nde yo kele buzoba. Sambu yandi lenda bakisa yo kaka na kimpeve mpamba.”  
(1 Korinte 2:14).

Kifwanisu yai ke songa beto mutindu muntu yina me ndima Klisto ve ke vandaka.

		=kiti ya kimfumu na luzingu ya muntu
		=Yesu Klisto

1. Yesu ke na kati ya luzingu (ntima) na yandi ve.
2. Muntu yina me vanda na kiti ya kimfumu. Yandi ketuadisa luzingu na yandi.
3. Muntu yai ke na mfunu ya kuyamba Yesu Klisto bonso Ngulusi na yandi.

(2) MUKLISTO YINA ME FULUKA NA MPEVE SANTU
Na ntangu beto ke yambaka Yesu Klisto bonso Ngulusi na beto. Mpeve Santu ke kwisaka kukota na bantima na beto (Rome 8:9). Kuvanda ya kufuluka na Mpeve Santu ke songa nde beto me ndima Yesu Klisto kuvanda Mfumu ya kutwadisa luzingu na beto. Beto ke tula ntima na ngolo na Yandi, kansi na ngolo na beto mosi ve.

“Mambu ya bantu ke salaka na kimpeve, yo yai: bo ke songaka luzolo, kiese, ti ngemba; bo ke kangaka ntima, bo ke salaka mambote na bantu ya nkaka, bo ke vandaka na ntima ya mbote; bo kele bantu ya bo lunga kutudila ntima; bo ke vandaka na ntima ya pima, mpe bo ke kudiyalaka”

(Galatia 5:22,23).

“Kasi beno tabaka ngolo ntangu Mpeve Santu ta kwisa kukulumuka na zulu ya intu na beno. Ebuna beno ta zabisa nsangu na mono na bwala Yeruzalem, na ntoto ya Zudé yonso, na ntoto ya Samarie yonso, tii na nsuka ya ntoto”
(Bisalu 1:8).

	Zaba nde: 1. Yesu Klisto ke zinga na kati ya luzingu (ntima) ya muntu yai. 2. Yesu Klisto ke na zulu ya kiti ya kimfumu, Yandi muntu ke tambusa luzingu na yandi. 3. Buna luzingu ya Muklisto yai ke sambu na kusadila Klisto.

Nzambi ke na kiese na konso ntangu ya beto ke pesa Yesu Klisto nzila sambu na kutambusa luzingu na beto. Beto ke zola kutanga Bible ti kusamba Nzambi. Beto ke zola kusonga na bantu yankaka Yesu Klisto, ti kuvanda na Baklisto yankaka. Buna luzingu na beto ta songa bambuma mingi ya ke basikaka na Mpeve Santu.

Mambu yai ke vandaka ya kieleka na luzingu ya Muklisto: (1) na mpila ya yandi ke pesa ntima na yandi na Mfumu Yesu na kati ya mambu vonso ya luzingu na yandi, (2) mpe mpila ti kuyela na yandi na kati ya ndinga ya Nzambi. Muklisto yina me fuluka na Mpeve Santu ke yakulunga ve na mambu yonso. Kansi yandi ke tula kaka ntima nde, Nzambi ke sala na kati ya luzingu na yandi, mpe Nzambi ke sadila luzingu na yandi.

Kana Muklisto me fuluka ve na Mpeve Santu, yandi kele…

(3) MUKLISTO YA MUSUNI
Muklisto ya musuni kuluta kudipesa na mambu yina ke pesa yandi kiese, na kisika ya kusala mambu yina ke pesaka Nzambi kiese. Muklisto ya musuni kele bonso mwana ya fioti, yandi ke salaka mambu mutindu yandi mosi ke zola; mambu na yandi kele bonso muntu yina me vamba ntete Yesu ve Yandi ke tula ntima na ngolo na yandi mosi sambu na kuzinga luzingu ya kimuklisto.

Sambu na Muklisto ya musuni, Bible ke tuba nde:

“Bampangi, mono vandaka na mpila ve ya kutubila beno mutindu mono ke tubilaka bantu yina ke na Mpeve ya Nzambi; kansi mono tubilaka beno bonso bantu ya musuni, bonso bana ya fioti na Kiklisto. Mono pesaka beno miliki kansi madia ya ngolo ve, sambu beno vandaka na mpila ve ya kudia madia ya ngolo. Ata ntangu yai beno lenda kudia yo ve, sambu beno ke zingaka bonso bantu ya musuni. Kana kimpala kele na kati na beno, mpe kana beno ke tulanaka ntembe, mambu yina ke songa nde beno kele bantu ya musuni ve? beno ke zingaka na kimuntu na beno ve?” (1 Korinte 3:1-3).

Luzingu ya Muklisto ya musuni ke monikaka na mambu yai:

	Mbala mingi: - yandi ke tula ntima mvimba ve na Nzambi - yandi ke ku lemvuka ve na ndinga ya Nzambi. - yandi ke sadisa ve bantu yankaka na kwisa na Yesu. - yandi ke sambaka mingi ve yandi ke na mfunu mingi ve na kutanga Bible. mabanza na yandi ke yindula kaka mambu ya imbi (masumu).
	Yandi lenda: - kudimona imbi na yina yandi ke sala. - kuvanda na kimpala. - kudimona mawa. - kuvidisa kikesa na yandi. - kumona imbi mingi ya bantu yankaka ti kufundisa bo na ngolo. - kuwa makasi.

Kansi zaba nde:

1. Yesu Klisto kele kaka Ngulusi na yandi. Yesu kele na kati ya ntima na yandi.

2. Muklisto kele na zulu ya kiti ya kimfumu sambu na kutwadisa luzingu na yandi yandi mosi.

3. Mpeve Santu kele ntangu yonso na kati ya luzingu ya Muklisto kansi yandi Mpeve ke twadisa yandi ve.

Sambu na yai…

NKI MUTINDU YA MUNTU NGE KELE?
Muntu yina me ndimaka ve Klisto	Muklisto yina me fuluka na Mpeve Santu	Muklisto ya musuni

Nki mutindu ya muntu nge ke zola kuvanda?

Beto ke kumaka baklisto na kutula ntima na beto (lukwikilu) na Yesu.

Klisto bonso Ngulusi Beto ke fulukaka mpi na Mpeve Santu na lukwikilu.

Kana nge zola nde Mpeve ya Nzambi twadisa luzingu na nge mpe kupesa nge ngolo ya kuzingila…

1. Nge fweti zola nde Mpeve Santu kufulusa luzingu na nge (Matthieu 5:6). Yesu ta twadisa luzingu na nge ve na kingolo-ngolo, kana nge mosi me zola yo ve.

2. Ndima masumu na nge. Nge mosi fweti zaba nde nge me sala masumu na ntwala ya Nzambi. Pesa yandi merci sambu Yesu me fwaka sambu na kulolula nge masumu. (Kolose 2:13-15; 1 Jean 1:9). Pindula ntima na nge ye sola kulemvuka na Nzambi.

3. Pesa Yesu Klisto nzila sambu na kutwakisa luzingu na nge (Rome 6:13). Na kuvanda ti luzingu me fuluka na Mpeve
Santu, nge fweti ndima nde Yesu Klisto kutwadisa mambu yonso ya nge ke sala. Nzambi fweti kutala mbongo na nge, ntangu
na nge yonso, kisalu na nge, bikalulu na nge ti famiye na nge, mpe banduku na nge. 

Nzambi ta fulusa nge na Mpeve na Yandi ya Santu (kutwadisa nge ti kupesa nge ngolo) kana nge ke tudila Yandi ntima. Nge lenda tula kivuvu sambu Bible ke tubila beto sambu na:

1. Lutumu na Yandi: “Beno kulauka malatu ve, mbaimbai beno ta kuma bantu ya pite. Kansi beno vanda va kufuluka na Mpeve ya Nzambi” (Efeze 5:18).

Nzambi kuzola nde baklisto yonso kuvanda yakufuluka na Mpeve Santu.

2. Nsilulu na Yandi: “Beto ke na kikesa na kutelama na meso ya Nzambi sambu, kana beto ke lomba konso kima bonso kele luzolo na yandi, yandi ke wila beto. Kana beto zaba nde, yandi ke waka mambu yonso ya beto ke lombaka na yandi, beto zaba mpi nde, beto ke bakaka mambu yina ya beto ke lombaka yandi” (1 Jean 5: 14,15).

Bonso ndinga ya Nzambi, Bible, ke tinda beto na kufuluka na Mpeve Santu, mpidina beto ke zabe nde yo kele luzolo ya Nzambi. Yo yina, nge fweti zaba kibeni nde Nzambi ta fulusa nge na Mpeve na Yandi ya Santu na ntangu nge ke lomba yo Yandi ti lukwikilu yonso. Yandi ke pesa nsilulu na ku pesa mvutu na mambu yonso ya nge ke lomba Yandi kana nge ke lomba mutindu kele luzolo na Yandi.