Spirit Filled Life

LETŠATŠI LE LENGWE LE LE LENGWE E KA BA LA TLHOLÔ KA MOYA O MOKGÊTHWA.

Pele o sešo wa amogêla Jesu Kreste bjale ka Mophološi wa gago, o be o laola bophelô bja gago.
Ka nakô yeo o arrogetšego Jesu Kreste ka yôna, Moya o Mokgethwa o naplie a tsena, gomme a phele ka go wêna.
Moya o Mokgêthwa o dira gore Mokreste yo mongwê le yo mongwê a kgônê go phela bophelô bjo tletšego thabô.

BIBELE E RE BOTŠA KA MOYA O MOKGETHWA

Moya o Mokgêthwa ke Modimo (Ditiro 5:3-4).

Moya o Mokgêthwa o phela ka gare ga motho yo mongwê le yo mongwê yo a amgetšego Jesu Kreste bjale ka Mophološi wa gagê. (1 BaKorinthe 3:16).

Moya o Mokgêthwa ke Morutiši wa rena (Johanne 14:26).

Moya o Mokgêthwe o re hlatiola mefokôlô ya rena (BaRoma 8:26).

Moya o Mokgêthwa o na le matla go fetiša moya ofe kapa ofe. (1 Johanne 4:1-4).

Moya o Mokgêthwa o bea diênywa tsa Moye maphelong a rena.

Moya o Mokgêthwa o re fa matla a go hlatselela Jesu Kreste (Ditiro 1:8).

BIBELE E RE BOTSA KA MEHUTA E MERARO YA BATHO ...

YO ESENG MOKRESTE:

Yo e seng Mokreste ke motho yo a sešo go amogele Jesu Kreste bjale ka Mophoaosi.

Moya o Mokgêthwa ga a dule ka gate ga motho yo e seng Mokrešte.

Bibele e re:

"Motho wa tlhago ga a amogele tša Moya wa Modimo, gobane ke bošilo go yêna, gomme ake se kgonê go di lemoga, gobane di ahlolwa mokgwa wa wa Moya." (I BaKorinthe 2:14).

Seswantšho se se bontsha gore motho yo e seng Mokreste o jwang:

YO ESENG MOKRESTE

			Terone (mo puso e tswago) ya bophelo bja motho
		B	Bo-Nna
			Jesu Kreste

1. Jesu Kreste o kanfie ga bophelo.

2. Yo eseng Mokreste o teroneng ye bophelo bja gagê.

3. Motho yo o hloka go amogela Jesu Kreste bjale ka Mophološi wa gagê.

MOKRESTE YO A TLETŠEGO MOYA

Ka yôna nakô yeo re amogê!ago Jesu Kreste bjale ka Mophološi wa rona, Moya o Mokgêthwa o thôma go dula ka gare ga rena (BaRoma 8:9). Go ba ya tiaditšwego ka Moya go bolêla gore re dumêlêla Jesu Kreste go re buša le go re laola.

Bibale e hlaloša bophelo bja go tiala Moya ka tsela e latêIago:

"Moya o hlagiša lerato, le thabo, le khutšo, le go se fele pelo, le botho, le bonôlo, le potêgo, le boleta le boitshwarô." (BaGalata 5:22, 23).

Ge re tlogêlêla Jesu Kreste gore a buše maphelo a rena, re tla rata go thakgatša Modimo. Re tla ba le go rata go bala Bibele le go rata go rapela. Gape re tla ba le phišegô ya go botša ba bangwê ka Kreste, le go fišêgêla go ba le BaKreste ba bangwe.

Seswantšho se se supetša gore Mokreste wa go tlala Moya o jwang:

Jwale Mokreste ...
-- O na le Kreste teroneng
-- O na le matla a tšhwago
-- go Moya o Mokgêthwa
-- O tliša bangwe go Kreste
-- O rapela, mme a arabjwe
-- O kwišiša Lentšu la Modimo
-- O tshêpa Modimo
-- O kwa Modimo

Bopheto bja gage bo bontšha ...
-- lerato
-- thabo
-- khutšo
-- go se fele pelo
-- botho
-- potêgô
-- bolêta

1. Jesu Kreste o ka gare ga bophelo bja gage bjale ka Mophološi wa gagê.

2. Jesu Kreste o dutse teroneng, o laola bophelo bja gagê.

3. Bo-Nna bjale ke mohlanka ya kwago Jesu Kreste.

4. Ge Mokreste a ithuta gore Moya o Mokgêthwa o laole, bophelo bja gage bo tla gola go beeng dienywa tša Moya. Fela, ge Mokreste e se ya tladitšwego ka Moya, ke ...

MOKRESTE YO A LENG TAOLONG YA BO-NNA

Mokrestê yo a leng taolong ya bo-Nna (yo a ratang lefase) o fišega kudu-kudu gore a ithabiše, go feta go rata go thabiša Modimo. Mokrestê yo a laolwang ke bo-nna o tshwana le ngwana ya ratang go sepela ka tsela ya gagwê -- o swana ga botse le motho wa lefase.

Bibele e boiêla se, kaga Mokreste yo a leng taolong ya bo-nna:

Gomme, nna, bana b'ešo, ke be ke sa kgone go le botša ka mo go swanetsego ba Moya; ke boletše le lena ka mo go swanetsego ba nama, ka mo ba e lego masea mo go Kreste ba botšwago ka gona. Ke be ke le noša lebese, ga nka ka le fa dijo tše di tiilego, gobane le be le sešo la di kgôna; ešita le bjale di sa le palêla ka ge le le ba nama, Ge mo go lena go sa na le môna le dikgang, a ga se gore le sa ya ka tsela ya batho ba nama le ka mokgwa wa batho?" (1 BaKorinthe 3:1-3).

Seswantšhô se se bontšha seo Mokreste yo a butswago ke bo-Nna a lego sôna:

MOKRESTE YO A LEGO TAOLONG YA BO-NNA

Jwale Mokrestê yo ...
-ga tshepišiši Modimo
ka botlalô
-O atiša go se theetše
-ga a thuše go tliša ba
bangwê go Krestê
-o fokolelwa ke bophelô
bja thapêlo
-ga a na phišegô ya
dithutô tša Bibel
-O atêlwa ke megopolo
e mebe

A ka ....
-ba le mona
-ba letswalo la molato
-swenyega
-fela matla
-ahola ba bangwê
-galefa

1. Jesu Kreste o sa le ka gare ga bophelô bja gagê bjale ka Mophološi wa gage.

2. Bo-Nna bo dušte teroneng bo laola bophelô.

3. Jesu Kreste ga buše bophelô bjo ka botlalô. Mokreste yo a leng taolong ya bo-Nna a ka rata go thabiša Modimo ka nako e nngwê gomme

Ga ntši o rata go dira seo se Iokilego, mme o hwetša a sa kgone ...

"Se ke se dirago ga ke sa se tseba; gobane se ke se ratago ga ke se dire; ke dira se ke se hloilego. Gobane mo go nna, ke ra nameng ya-ka, ke tseba gore ga go dule se botse. Se se lego gona ke go rata; go dira botse gona ga ke go hwetše. Joo, nna motho wa madi-mabe! Ke mang ya tlogo go nkhunolla ka tloga mmeleng wo wa lehu!" (BaRoma 7:15, 18, 24).

Ka lebaka leo ...

Mokreste yo a lego taolong ya bo-Nna ga a phele bophelo bjo tletšego thabo.

O atiša go phela bophelo bja go hlolega.

Ka nakô tše dingwê ga a itshware bjale ka Mokreste.

O MOHUTA OFE WA MOTHO?


Yo eseng Mokreste		Mokreste wa go tlala Moya		Mokreste yo a lego tsolong ya Bo Nna

O rata go ba mohuta ofe wa motho? MOKRESTE YO A LENG TAOLONG YA BO-NNA A KA BA JWANG MOKRESTE YA TLETŠENG MOYA?

RE TLATSWA KA MOYA O MOKGÊTHWA KA TUMELO

Re ba BaKreste ka go bea tumelo ya rona go Jesu Kreste e le Mophološi. Gape re tlatšwa ka Moya o Mokgêthwa ka tumêlô.

O ka tlogêlêla Moya o Mokgêthwa gore o ga tlatše le go o buša gona bjale.

Go na le dikgatô tše tharo tše latelwago:

1. IPOLELENG DIBE TSA LENA

"Ge re ipolêla dibe tša rena, gona ka ge Yêna e le wa potêgô le toko, o re lebalêla dibe, a re hlatswa bokgôpô moka." (1 Johanne 1:9).

Go ipolêla ke gore:

(a) O dumelêlana le Modimo gore o dirile sebe.
(b) O leboga Modimo ka go lebalela le go o hlatswa ka Jesu Kreste.
(c) O furalêla dibe, gomme wa kwa Modimo (tshokologo).

2. INEELENG GO MODIMO

"Le gona le se ke la gafêla dithô tša lena sebeng, ya ba rnarumô a bokgôpô. Ineêleng Modimo, le le batsoga-lehung, le phela, dithô tša lena le di gafetše Modimo ya ba maromô a tokô." (BaRoma 6:13).

Gore re phele bophelo bja go tlala Moya, re swanetše gore re rate gore Jesu Kreste a buše tšohle tše re di dirago.

O swanêla go laola tšhêlêtê ya rona, nakô yeo re sa dirego selô, mešomo ya rona, le bophelô bja tswalanô ya rona le betswalano ya madi, le ya bagwêra ba rena.

3. DUMELA GORE MODIMO O TLA GO TLATŠA KA MOYA O MOKGÊTHWA

Modimo o tla go tlatša (a go buše) ka Moya o Mokgêthwa ge o mo tshepa gore, o tla dira bjalo.

Go na le mantswe a mabedi, a bohlokwa, a swanetšego go gopolwa:

TAELO:

"Le se ke la tagwa ke beine, ke mo go tšwago bohlôla. Sa lena e be go tlala ka Moya o Mokgêthwa." (Efeso 5:18).

KHOLOFÊLO

Gomme kholofêlô ye e tiilego, ye re Mo holofêlago ka yôna, ke ge re tseba gore o a re kwa ge re kgopêla se se amanago le thatô ya gagwê. Gomme ge re tseba gobane o a re kwa ge re tla le kgopêlô efe le efe, gona re tseba le gore, tse re di kgopetšego re >šetše re na natšo." (1 Johanne 5:14, 15)

"RE TLATŠWA KA MOYA O MOKGÊTHWA KA TUMELÔ. Tsela e nngwê ya go bontšha tumêlô ke ka thapêlo. O KA RATA GO RAPELA KA TSELA YE:

"Morena Jesu, ke rata ka pelo ka moka, gore o buše bophelo bjaka. Ke be ke buša bophelo bja-ka, gomme ke dumêlêlana le wêna gore seo ke sebe. Bjale ke furalêla sebe se, gomme ke ikgafêla wêna, go kwa. Ke go leboga ka go ntebalêla. Bjale ke ya ka taêlo ya gago, ke holofela gore o tla ntlatša ka Moya wa gago o Mokgêthwa Ke golebogêla go ntlatša bjale ka ge o tshepišitše."

O ka rata gore Modimo a go tlatše, mme a go buše?

O ka rata go rapela thapelo ye, gona bjale?

KA MOO O KA TSEBANG GORE O TLADITŠWE KA MOYA O MOKGÊTHWA

O kgopetše Modimo gore a go tlatše ka Moya o Mokgêthwa?
O tseba gore o tladitšwe ka Moya o Mokgêthwa?
O ka tseba gore o tladitšwe ka go holofêla tshepišo ya Bibeleng.
Seswantšho se, sa terene se bontšha gore Therešô ya Bibele, le Kholofelo le Maikutio di šoma jwang bophelong bja gago bja Bokreste.

1. Therešô e na le matla a go re leola.
2. Re hlakantšhitšwe le matla a therešo ka kholofêlô.
3. Ge re ekwa therešô, maikutlo a rena a latela ka tsela e tshwanetšeng.
4. Re tshepa Modimo le therešô ya Gage. Ga re holofele ka tsela ye re kwago maikutlong a rena.

KA MOO MOTHO A KA DULANG A TLETŠE MOYA O MOKGÊTHWA

Ge go ka direga gore o dule gape terenong ya bophelo bja gago gomme o dire sebe gape, fêma ka semoya. Go fêma gona go swana le go re go tlwaetsego:
-- Ge o fêmêla-ntle, o ntšha moya o šilafetšego
-- Ge o fêmêla-gare, o gogêla ka gare moya o sa šilafalago.

1. FEMELA-NTLE KA SEMOYA

Ipolêlê dibe tša gago (1 Johanne 1:9). Furalêla sebe seo, mme o kwe Modimo.

2. FEMELA-GARE KA SEMOYA

Kgopêla Jesu gore a boele a dule terenong ya bophelo bja gago (BaRoma 6:13). Holofêla Modimo go o tlatša gape ka Moya wa Gage o Mokgêthwa. Gopola TAELO e lego go Ba-Efeso 5:18, le TSHEPIŠO e go 1 Johanne 5:14, 15.

Fêma ka se moya ka dinakô tšohle ge Moya o Mokgêthwa a go bontšha sebe, gomme o tla ba le bophelô bjo bo tletšego thabô, DUMELELA MOYA O MOKGÊTHWA GORE DULE A GO TLATŠA KA YONA TSELA YE, GONA JESU KRESTE O TLA BA TERONENG YA BOPHELO BJA GAGO LETŠATŠI LE LENGWE LE LE LENGWE.

Tshepa Modimo le ditshepiso tše ka Bibeleng.

Mokreste a ka phela bophelô bo tletšego Moya ka tumêlô.

Ge Moya o Mokgêthwa a laola, a bile a buša bophelô bja gago:

Bophelô bja gago bo tla bontšha dienywa tša Moya ka go tšwelapele (Ba-Galata 5:22, 23).

Thapêlô tša gago di tla ba le matla di arabiwe (Jakobo 5:16).

Go kwišiša Bibele ga gago go tla gola (11 Timothea 3:16).

O tla ba le matla a Modimo go hlatseleng (Ditiro 1:8).

O tla ba le matla a Modirno a go hlola melekô le sebe (1 BaKorinthe 10:13)

KÊRÊKÊ KE E BOHLÔKWA

Ge dikgong tse dintši di besitšwe gotee, di tuka kudu, mollô wa ba o mogolo, Ge o ka bešola serumula se sengwê sa tše di besitšwego wa se beela thoko, se tla phakiša sa tima. Ka rnokgwa o jwalo go bothata go wena gore o phele bophelo bja Bokreste o le tee.

Go ya hlokêga gore o itlhakantšhe le batho ba bangwê bao le bona ba arnogetsego Jesu Kreste e le Morêna le Mophološi wa bôna.

O tsênê kêrêkê eo go yôna go dumêlwago gore Bibele ke therešo, gape e be moo Jesu Kreste a kwewago. (Ba-Heberu 10:25).

GE BUKANA YE E BILE THUŠO GO WENA, HLE, E BALELE YO MONGWE, KAPA O MO FE YONA.

Bukana ye o e filwe ke:
Campus Crusade for Christ
P.O. Box 15
2006 AUCKLAND PARK

Whether you've prayed to be Filled with the Holy Spirit or still have some questions, please click here and tell us about it. We would love to hear from you and help you grow in your faith!

Additional Assistance